Përplasen dy automjete në Has.

Udhëtimi drejt banesës i familjes Meshi ka rezultuar fatal, pas përfshirjes në orët e pasdites në një aksident në fshatin Zaharisht të Hasit. Policia bën me dije se përplasja me një tjetër mjet, tip “Land Rover” ka shkaktuar humbjen e jetës së një djali 8 -vjeçar , ndërsa ndodhet në gjendje të rëndë nëna e tij Adelina Meshi, ndërsa vëllai i tij 5 -vjeçar është jashtë rrezikut për jetën në spitalin e Hasit. Për ti ardhur në ndihmë 36 -vjeçares është nevojitur transportimi i saj me helikopter drejt Spitalit Ushtarak në Tiranë. Policia ndërkohë ka nisur hetimet në vendngjarje për të sqaruar rrethanat e aksidentit të rëndë. Dyshimet e para flasin për shpejtësi tej normave të lejuara të dy mjeteve si dhe lagështia në rrugë. Në makinën tjetër udhëtonte vetëm drejtuesi i cili fatmirësisht nuk ka pësuar dëmtime.