Aksident i rëndë rrugor në aksin Levan-Tepelenë

Mëngjesin e sotëm ka ndodhur një aksident i rëndë rrugor në aksin Levan- Tepelenë. Tre automjet, nga të cilat 1 furgon ku udhëtonin 5 familjare, janë përplasur me njëri-tjetrin pranë fshatit Kafaraj.

Ndërkohë, nga të dhënat e para mesohet se behet fjale për tre viktima, ndërkohë që 5 persona kanë mbetur të plagosur.

Gjithashtu, sipas policisë, në aksident kanë humbur jetën Roard Mani dhe Shkëlqim Zaimi ndërsa viktima e tretë nuk është identifikuar ende.

Pesë të plagosurit, Armando Jahaj, Teki Hoxhaj, Dallëndyshe Hoxhaj, Alket Hoxhaj 2 vjeç dhe Arben Merkaj, të cilet mendohet se jane te aferm me njeri tjetrin dhe udhetonin ne te njejtin mjet janë dërguar menjëherë në spital dhe 3 prej të tyre ndodhen në gjendje të rëndë per jeten.

Perplasja mes mjeteve ka qene shume e forte, ku nje prej makinave, tip ‘Renault’ eshte shkaterruar plotesisht.

Policia ka mbërritur menjëherë në vendngjarje dhe ka nisur hetimet ndersa paraprakisht mendohet se lagështira në rrugë është bërë shkak për aksidentin.